மூட்டுவலியை வேறோடு அறுக்கும் முடக்குஅற்றான் கீரை

0
329

[1:40 PM, 1/19/2022]
உணவே மருந்தாக மாறிவரும் நிலைக்கு விழிப்புணர்வு கொண்டிருக்கிறோம் என்பதை நவீன கால மூலிகை உணவுகள் உணர்த்துகிறது. அப்படியான உணவில் முடக்கறுத்தான் மிக முக்கியமானது.

முடக்கறுத்தான் கீரை சமீப வருடங்களாக மூட்டு வலிக்கு உதவும் மூலிகையாக பயன்படுத்தப்பட்டு வருகிறது.முடக்கறுத்தான் இட்லி முடக்கறுத்தான் தோசை, முடக்கறுத்தான் துவையல், முடக்கறுத்தான் போண்டா, முடக்கறுத்தான் பிரியாணி என அவரவர்க்கு பிடித்த வகையில் முடக்கறுத்தான் சமைத்து எடுத்துகொள்கிறார்கள். முடக்கறுத்தான் கீரைகளின் நன்மைகள் குறித்து தான் இந்த பதிவில் பார்க்க போகிறோம்.

​முடக்கறுத்தான்

முடக்கறுத்தான் கீரை ஏன் மிக முக்கியமானதாக பார்க்கப்படுகிறது அதன் நனமைகள் என்ன என்பதை சித்த மருத்துவ நிபுணர் டாக்டர். வி.விக்ரம்குமார்.,MD(S) தரும் குறிப்புகள் வழியாக தெரிந்துகொள்வோம்.

முடக்கறுத்தான் தற்போது அதிகமாக சமையலில் பயன்படுத்தப்படுகிறது. முடக்கத்தான் காய்கள் பலூன் போன்று இருக்கும் இதை அழுத்தினால் பட்டாசு போன்று சத்தம் வரும் அதனால் இது பட்டாசுக்காய் என்றும் சிறுவர்கள் மத்தியில் அழைக்கபடுகிறது .ஆனால் பெயருக்கேற்றப்படி இது முடக்குகளை வேரறுக்கும் தன்மை இருப்பதால் இது முடக்கறுத்தான் என்ற பெயரில் அழைக்கப்படுகிறது.

முடர் குற்றான், முடக்கற்றான், முடக்கொற்றான், முடக்கு தீர்த்தான்,உமிஞை போன்ற பெயர்களிலும் இவை அழைக்கப்படுகிறது. முடக்கறுத்தான் கீரையில் காலிகோஸின் குவர்செடின், அபிஜெனின், ப்ரோடோகேடிகுயிக் அமிலம் போன்ற வேதிப்பொருள்கள் உள்ளன.

​மூட்டுவலிக்கு முடக்கறுத்தான்

முடக்கறுத்தான் மூட்டு வலிக்கு மிகச்சிறப்பாக பயனளிக்கும். மூட்டுவலி பிரச்சனை இருந்தால் ஆரம்பம் முதலே முடக்கறுத்தான் எடுத்துகொள்வதன் மூலம் வலி நிவாரணியாக செயல்படும். வாரத்தில் மூன்று நாட்களாவது முடக்கறுத்தான் தோசை, முடக்கறுத்தான் சட்னி, முடக்கத்தான் துவையாக செய்து சாப்பிட்டு வந்தால் மூட்டு வலி குறையக்கூடும்.

முடக்கத்தான் இலையை விளக்கெண்ணெய் வதக்கி கட்டி வந்தால் மூட்டு வலி வீக்கம் குறையக்கூடும். வலி தீவிரம் குறைய கூடும். இரத்தத்தில் யூரிக் அமிலம் அதிகரிப்பதால் உண்டாகும் கவுட் நோய் குறைய இது உதவுகிறது.

​உடனடி சோர்வு நீக்க முடக்கறுத்தான் டீ

முடக்கறுத்தான் இலைகளை கைப்பிடி அளவு எடுத்து நன்றாக கொதிக்க வைத்து க்ரீன் டீ போல் பருகினால் உடல் சோர்வு மறைந்து உடல் புத்துணர்ச்சி கிடைக்கும். இதை குடித்த உடன் உற்சாகமாக வளையவருவீர்கள். இலேசான கசப்புத்தன்மை இருக்கும் என்பதால் இனிப்புக்கு தேன் சேர்க்கவும். இது உடல்வலியை குறைக்கும். சோம்பல் இருக்கும் போது இந்த டீயை குடிக்கலாம்.

​இருமலுக்கு உதவும் முடக்கறுத்தான்

முடக்கறுத்தான் இலைகளை நறுக்கி வெயில் படாமல் உலரவைத்து பொடியாக்கி பதப்படுத்தி வைக்கவும். இருமல் வரும் போது உதிரான சாதத்தில் நல்லெண்ணெய் உப்பு மற்றும் முடக்கறுத்தான் பொடி சேர்த்து சாப்பிடலாம். குழந்தைகளுக்கு தேனில் கலந்து நாவில் தடவி விடலாம். வெதுவெதுப்பான நீரில் இந்த பொடியை கலந்து குடித்து வந்தால் இருமல் கட்டுப்படும்

​காயங்களில் வலி குறைய

உடலில் காயங்கள் உண்டாகும் போது வலி அதிகமாக இருந்தால் நல்லெண்ணெயில் இதன் இலைகளை காய்ச்சி, அந்த எண்ணெயை அடிப்பட்ட இடத்தில் தடவ வலி குறையும்.முடக்கறுத்தான் சமூலம், வாத நாராயணன் இலைகள், நொச்சி வேர், பேய்மிரட்டி இலைகளை சேர்த்தரைத்து, நல்லெண்ணெயோடு சேர்த்து காய்ச்சி தயாரிக்கப்படும் எண்ணெயை ‘உடல் பிடிப்பு தைலமாக’ பயன்படுத்த அடிப்பட்ட வலிகள் மட்டுமன்றி உடலில் தோன்றும் சுளுக்குப் பிடிப்புகளும் மறையும்.

​கருப்பை அழுக்கு வெளியேற்றும்

பிரசவித்த பெண்களின் கருப்பை அழுக்குகளை வெளியேற்றும் தன்மை முடக்கத்தானுக்கு இருப்பதாக சொல்லப்படுகிறது. முடக்கறுத்தான் இலைகளை அரைத்து பற்றுப்போடும் வழக்கத்தை இன்றும் கிராமப்புறங்களில் கொண்டிருக்கிறார்கள். மூட்டு வீக்கத்தை குறைக்கும் முருங்கை, வேறு எதற்கு எப்படி பயன்படுத்துவது, எல்லாமே தெரிஞ்சுக்கங்க!

முடக்கறுத்தான் இலைச்சாறு உடலில் டெஸ்டோஸ்ட்ரான் அளவை அதிகரிப்பதாக ஆய்வு ஒன்று தெரிவித்துள்ளது. எலிகள் மீதான பரிசோதனையில் இவை கண்டறியப்பட்டுள்ளது.

முடக்கறுத்தான் கீரையை நோய்க்காக அல்லாமல் ருசிக்காகவே சாப்பிடலாம். இனி கண்டிப்பாக உங்கள் உணவில் முடக்கறுத்தான் கீரையை சேருங்கள்

பெ. சூரிய பிரகாஷ்,
நெல்லை

ஒரு பதிலை விடவும்

தயவு செய்து உங்கள் கருத்தை உள்ளிடவும்!
இங்கே உங்கள் பெயரை உள்ளிடவும்